MSJ Closing Ceremony "قُدْوَةٌ حَسَنَةُ"

هل تسائلت يومًا عن سبب استمرارية وجودك باقيًا على قيد الحياة، وما الحكمةُ في ذلك ؟! :)

ومتقوليش الجملة الحلزونية بتاعت "أنا جاي أغير الواقع وابني المستقبل" أيوة هتغيره ازاي يعني، وهتبدأ منين ؟
..
طب ثانية واحدة كدا تعالى هنا وقولي، هو ايه المطلوب منك علشان تحقق هدفك وتوصل لأحلامك ؟! :)
..
هل مطلوب منك أنك تكون "نجيب محفوظ"، "أحمد زويل"، "هاري بوتر"، ولا حتى "هتلر" علشان يتذكر اسمك في التاريخ، ولما تبص في المراية تحس إنك فخور بنفسك ؟!
..
لا إطلاقًا، إنتَ مش مطلوب منك أنك تكون زي حد، أنتَ مطلوب منك يكونلك "قدوة حسنة" في مجال أنتَ قررت تخوضه وبقوة، وتحقق نفسك وتكون أفضل من أي اسم مشهور، وتلاقي ناس قررت توفرلك الفرصة علشان تبني نفسك، فأنت لا يكفيك أن تبقى على قيد الحياة، ولكن لابد وأن تكون على قيد الحلم والأمل، على قيد هدفك ورسالتك التي أنتَ هنا الآن لتحقيقها.
..
ولذلك، إحنا قررنا يوم احتفالنا بالكلوزينج الخاص بالنموذج، نقدملك "قدوة حسنة" في المجال اللي أنتَ قررت أنك تخوضه، تعالى وأنتَ تعرف هتبدأ منين وازاي.

#MSJ هيساعدك في أول خطوة، وهيوصلك للطريق، وأنت وشطارتك عليك الباقي، زي الشباب اللي بدأوا معانا، لأننا عارفين أن الشكوى الكبيرة اللي كل الطلبة بيعانوا منها، هي إن الجامعة مش بتأهلك لأي شغل على أرض الواقع، دا غير إن التنسيق ممكن يرميك في كلية دماغك مش فيها.
..
باختصار، إحنا أول نموذج محاكاة لنقابة الصحفيين على مستوى جامعات مصر، كسرنا قيود كلية "الآداب" بجامعة القاهرة، وبقينا أول نموذج محاكاة فيها، "هنتذكر في التاريخ يا جماعة"
;)
..
هدفنا، إننا نعلمك ولأول مرة "صحافة بجد"، على أيدي كوادر صحفية وإعلامية لها تأثيرها في المجال، ونجحنا في تدريب الكثير من الطلبة في أكثر من موقع صحفي، ولسه مكملين بفضل الله
:)
..
هنستناكم، يوم الأربعاء الموافق 16/9 الساعة 4 مساءًا، على مسرح وزارة الشباب والرياضة، ميدان سفنكس، المهندسين.
..
للحضور قم بملئ الإستمارة التالية : http://goo.gl/forms/3zBNnWTCUa
*ملحوظة: الحضور بأولوية الحجز :)